Rajab Kay Roze:

Hazoor aqdas (S.A.W) farmate hain keh mah Rajab key rozon ki buhat fazilat hai aur sab se ziadah 27 tareekh key rozah ka buhat bara sawab hai is rozah se azab qabar nar e dozakh se mehfooz rahe ga. Mah rajab key aik roza ka sawab 1000 rozah key barabar hai.

Shab e Meraj Nafil Namaz

1-Mah rajab ki 27 shab ko 20 rikat namaz das salam se parhe. Har rikat mein Surah Fatiha key baad Surah Ikhlas 1, 1 dafa parhni hai.

Insha allah tala jo koi yeh namaz parhe to Allah Talal is ki jan o maal ki hifazat farmaye ga.

2- 27 tareekh ki shab ko 4 rikat namaz do salam se parhe har rikat mein Surah Fatiha key baad Surah Ikhlas 27, 27 martaba parhni hai, baad salam key 70 martaba Darood Pak parhe aur apne gunahon ki maghfarat talab kare.

Insha allah tala parwardigar e alam apni rehmat kamlah se is key gunah muaf farma kar is ki maghfarat farmaye ga.

3-  Mah rajab ki 27 tareekh baad namaz zuhar 4 rikat namaz aik salam se parhe pehli rikat mein baad Surah Fatiha key Surah Qadar 3 martaba, dusri mein baad Surah Fatiha key Surah Ikhlas 3 dafa, tisri mein baad Surah Fatiha key surah khalaq 3, martaba, chothi mien baad Surah Fatiha key Surah Naas 3 martaba parhe baad salam key Darood Pak 100 martabah aur astaghfar 100 martaba parhe, yeh namaz har murad key liye insha allah tala buhat afzal hai.